Solid food for babies - in tamil

உங்கள் குழந்தை திட உணவுக்குத் தயாரா ?

புது அம்மாக்களுக்கு இந்தக் கேள்வி மற்றும் இதைச் சுற்றி நிறைய சந்தேகங்கள் உள்ளன.

எப்போ உங்க குட்டி வாண்டுங்க தயார்னு கண்டுபிடிக்கிறது ?

1. உங்கள் குழந்தையின் கழுத்து நின்றுவிட்டால் அவர்களால் உணவை ஏற்றுக்கொள்ள மற்றும் விழுங்க முடியும்.

2. குழந்தைக்கு உட்கார தெரிய வேண்டும் ( with or without support )

3. மற்றவர்கள் சாப்பிடுவதை மிக ஆர்வமாக பார்த்தால்.

4. வாயைத் திறக்கத் தெரிந்தால் (உணவை அருகில் எடுத்து வரும்போது )

5. தாய்ப்பால் அல்லது பாட்டில் பால் கொடுத்த பின்னும் பசி எடுப்பது போலத் தெரிந்தால்.

எப்படி ஆரம்பிக்க வேண்டும் ?

அனைத்தையும் முன்னரே திட்டம் தீட்டி வைப்பது மிக முக்கியம். உங்களுக்கு மற்றும் உங்கள் குழந்தைக்கு ஏற்ற அட்டவணைத்  (Schedule ) தயார் செய்யுங்கள். இதெல்லாம் முன்னர் அவர்களின் குழந்தை நல மருத்துவரை அணுகுவது மிகவும் அவசியம் . நான் என் குழந்தையின் குழந்தை நல மருத்துவரிடம் காட்டிவிட்டு 6 மாதத்தில் திட உணவை ஆரம்பித்தேன் .

தங்களுக்காக சில டிப்ஸ் :

1.எப்பொழுதும் ஒரே உணவுடன் ஆரம்பியுங்கள்.  அது ஒரு காய்கறி அல்லது பழமாக இருக்கலாம் .

2. முதலில் பழத்துடன் ஆரம்பிப்பது நல்லது . ஏனெனில் பழங்கள் எளிதில் செரித்துவிடும் .

3. ஒரு வாரத்திற்கு ஒரே நேரத்தில் ஒரே உணவைக் கொடுங்கள்.
உதாரணத்திற்கு : நீங்கள் உங்கள் குழந்தைக்கு வாழைப்பழம் முதலில் கொடுக்க ஆரம்பித்தால்  அதனுள் இருக்கும் கருப்பு வித்துக்களை நீக்கிவிட்டு , காலை 10 மணிக்குக் கொடுத்தீர்கள் என்றால் அதன் மறுநாளும் அதே போல 10 மணிக்கு கொடுத்து விடுங்கள்.

4. அதற்கு அடுத்த வாரம் ஒரு காயைத்  தேர்ந்தெடுங்கள் . அதை நன்கு வேக வைத்து மசித்துக் கொடுக்க ஆரம்பியுங்கள்.

5. 6 முதல் 7 மாதக் குழந்தை 1 டீ ஸ்பூன் அளவு மசித்த உணவை உண்பார்கள். ஒரு மாதத்திற்கு ஒரு முறை அளவைக் கூட்டலாம்.


உங்களுக்கான சில டிப்ஸ் இதோ :

1. பிளாஸ்டிக் கின்னத்தை தவிருங்கள். எவர்சில்வர் அல்லது கண்ணாடிப் பாத்திரங்களைப் பயன்படுத்துங்கள்.

2. உங்களுடைய மடியில் அல்லது highchair- ல் உட்கார  வைத்து அமைதியான சூழலில் உணவு கொடுங்கள்.

3.கண்டிப்பாக phone அல்லது tablet போன்றவற்றை தவிருங்கள். குழந்தைகள் என்ன சாப்பிடுகிறார்கள் என்று தெரிந்து சாப்பிட்டால் உணவு மேல் தானாக ஈடுபாடு வரும்.

4.குழந்தைகளிடம் நிறைய பேசுங்கள் . உதாரணத்திற்கு நீங்கள் காரட் வேக வைத்துக் கொடுத்தால் , நீங்க இன்னிக்கு கேரட் சாப்புடுறீங்க . காரட் ஆரஞ்சு கலர்ல இருக்கும். முயல் குட்டிக்கு காரட் ரொம்பப் புடிக்கும். (முயல் போல action செய்து காட்டலாம். )

பழங்களின் அட்டவணை 

1	வாழைப்பழம்	நன்கு மசித்துக் கொடுக்கவும்
2	ஆப்பிள்	வேக வைத்து மசிக்கவும்
3	பேரிக்காய் (Pear )	வேக வைத்து மசிக்கவும்
4	சப்போட்டா	தோல் நீக்கி நன்கு மசித்துக் கொடுக்கவும்
5	பப்பாளி	நன்கு மசித்துக் கொடுக்கவும்

காய்களின் அட்டவணை 

1	காரட்	வேக வைத்து மசிக்கவும்
2	பீட்ரூட்	வேக வைத்து மசிக்கவும்
3	சக்கரைவள்ளிக்கிழங்கு  (sweet potato )	வேக வைத்து மசிக்கவும்
4	பூசணிக்காய்	வேக வைத்து மசிக்கவும்
5	உருளைக்கிழங்கு	வேக வைத்து மசிக்கவும்

மேல உள்ள இரண்டு அட்டவணையும் நீங்கள் உங்களுக்குத் தகுந்தாற்போல மாற்றிக்கொண்டு செய்யலாம் .